الأردن هو الأكثر تعليماً.....

ضريبة التعليم !!

ما في شي ببلاش ..

أتعلمون ان الاردن سعر الكتاب فيها يعادل ضعفين عن سعره في الدول العربية الأخرى
وهذا حوار حقيقي بدون اضافات بيني وبين صاحب مكتبة كنت من مرتاديها ..
هو: سعر هذا الكتاب (13) دينار ..
أنا : المفروض اشتري فيهم 10 كتب ..
هو: ما بنفع
انا: هيك ما بتشجعوا ع القراءة .. والمطالعة
هو: والله الكتب ..
قاطعته .. : الكتب اطنان الغبار عليها ، لو جمعناهم (الغبار ) نعمل جبل رمال !
هو (ابتسامة تعلو محياه)
انا: لما بتزيدوا سعر الكتاب ، بتمنعوا الشباب يقراوا، والكتبت بتتكدس عندكم .. ! فما في داعي .. تحرقوها حرام .. ، سعر عادي ومعقول ، المفروض اكبر مرجع ياخده الطالب بخمس دنانير ..

هو : خمسة !!

انا: ع الاقل ما بضل واقفة ساعة بالمكتبة وما بيدخل حدى يشتري اي كتاب ..!
الكتب مضغوطه ع الانترنت ، والواحد صار يقرأها عن النت اوفر

هو: خلص خذيه بـ 10
انا : بدك تخلص مني ما ؟ انا بناقش قضية عامة .. المرجع مهم عندي لدرجة لو كان سعره 30 بشتريه .. لكن بحكي عن الشباب .. والناس الي بتحرق كتب المدرسه عشان الدفى ..!!!

وتركت عنده الكتاب وحاولت الخروج ..
هو : قديش بدك اياه ...!!

انا : استغنيت عنه ، ناوية ادفع الـ 10 لأي شحّاد بالشارع .......!

-----------------------
فما رأيكم ؟؟

قولتك ... بلا منه
إكسبيلك شوية حسنات احسنلك

ابن طيفور الحسنات مهمة بالفعل وبالايام هاي

وانتي ليش رايحة على مكتبة

بدي ازودك بموقع تقدري تنزلي منه اي كتاب عربي او اجنبي و ببلاش

يعني شوفي هل المعادلة محلها

نفرض انه ما عندك انترنت بالبيت

بتروحي على محل انترنت بتقعدي ساعة بلاش اقول نص ساعة ( بنص دينار )

بتنزلي الكتب الي بدك ياها فيه وبروحي للموظف بتقوليلة انسخلي هذول على سيدي ( بنص دينار )

واذا كان معاك فلاش ميموري وقفت عليكي عشر كتب حقهم 50 دبنار بالمكاتب بنص دينار

شو رأيك عاد جد بلاش منهم المكاتب ويسكروهم ويفتحو فيهم كوفي شوب واراجيل ويشوفو الشغل بالصيف بصير الشب الي كان يشحد علشان يجيب لكتاب يروح يسلخ نفس ارجيلا بدينارين و فنجان قهوة بنص او كاسة نسكافية ( اذا حب يتفشخر عاد ) بخمسة وسبعين قرش وقولي دينار ونص تكاسي هيك بفيد مصلحتين عامتين اولهم شفير التكسي والثاني صاحب المكتبة الي قلبها كوفي شوب

أحمد الجراح

تحملوني ...وافهموني رجاء ..

لا أحب قراءة الكتب من السي دي يا احمد

ولا احب قراءتها من خلف الشاشة .. Sad

والحسنات (لست بالبخيلة ) لكني اسعى لكسبها مع نفسي أولا ، يا مروان Sad

احب القراءة من الكتب .. الكتاب وحده القادر على النهوض بنا إلى مصاف الدول التي تدعي الحضارة ..

يمكن أن يقترح عليّ احمد طباعتها .. لكن الفرق أيضا كبير بين أن تقرأ من نسخة مطبوعة وبين نسخة كتاب .

القضية بجد عامة . خذوا مثالا:

بنظرة سريعة على المتنزهااااااااات لدينا .. هل رأيتم فيها شابا او كهلا أو طفلا يمسك كتابا تحت ظل شجرة يقرأ .؟؟؟؟؟؟؟؟؟؟؟

والله لم ار إلا المتنزهاااااااااات مكانا (للهش والنش )

أما متنزهات الدول المتقدمة .. تحت ظلال اشجارها المئات مصطحبي الكتب ..

والـــــــــــ
مفارقة عجيبة ..

-----------
الكوفي شوب يا أحمد ... أزمه . مكان صاخب فيه من الإزعاج ما يضطرك لفقد أعصابك

المكتبات فيها من الكتب ما يثير في نفسك الرغبة بالقراءة لكن أسعارها مأساة ..

أقسم ان جهاز الحاسوب لدي مخزن فيه المئات من الكتب والمراجع القيمة ... اتصفحها بين حين والآخر لكن للآن لم اكمل قراءة أيها بسبب هذه الشاشة اللعينة التي تفصل بيني والحروف .. ورائحة الورق ...

وتبقى المسألة نسبية من فرد لآخر

انا برأي الخاص العلم ما في شيء عليه غالي وما يدفعه الانسان ليس خسارة وانما استثمار مالي ذو مردود عالي في يوم من الايام